नमस्कार,

माझ्या माळी बंधू भगिनींनो,

एके दिवशी मी बाजारात फळे घ्यायला गेलो होतो. एक विक्रेता द्राक्ष विकत होता. मी त्याला द्राक्षाचा भाव विचारला. "२०० रुपये किलो, साहेब!" बाजूलाच ठेवलेल्या वेगळी झालेल्या सुट्या द्राक्षांसुद्धा होत्या. मी त्यांचा भाव विचारला तर त्याने २० रुपये किलो भाव सांगितला. मी त्या विक्रेत्याला विचारले, "ही पण द्राक्षे चांगली आहेत, मग इतकी स्वस्त का?" तर तो म्हणाला, "ही द्राक्षे एकत्र नाहीत म्हणून स्वस्त आहेत. त्यांना काही भाव नसतो."

यावरून एक बोध घेण्यासारखे आहे की, समाजात एकी असेल तर समाजाची प्रतिष्ठा वाढेल, आर्थिक प्रगती वेगाने होईल.

आज जग वेगाने बदलत आहे. आज जो समाज शैक्षणिकदृष्ट्या, आर्थिकदृष्ट्या, औद्योगिकदृष्ट्या मजबूत आहे, तोच पुढे टिकेल. समस्त माळी समाजाचा सर्वांगीण विकास साधण्यासाठी सर्व समाजबांधवांना एकत्र आणणे महत्त्वाचे आहे.

महाराष्ट्रात माळी समाजाची लोकसंख्या अंदाजे २ कोटी आहे. ग्रामीण भागात राहणारे माळी समाजातील अनेक लोक अजूनही कठीण परिस्थितीत आहेत. ते मुख्य प्रवाहापासून दूर आहेत.

संत शिरोमणी सावता महाराज, क्रांतीसूर्य महात्मा फुले, क्रांतीज्योती सावित्रीबाई फुले यांच्या विचारांचा समृद्ध वारसा माळी समाजास लाभला आहे. समाजात साक्षरतेचा प्रसार करण्यात आणि सामाजिक, औद्योगिक योगदानात मोलाची भूमिका बजावण्याची गरज आहे.

माळी समाजात एकत्रितपणे भावना निर्माण करून समाजाची शैक्षणिक, आर्थिक प्रगती व्हावी आणि समाजात विविध उपक्रम राबविण्याच्या हेतूने आम्ही डिजिटल तंत्रज्ञानाच्या साहाय्याने सर्व माळी समाजबांधवांना एक डिजिटल व्यासपीठ म्हणून "आम्ही माळी परिवार" घेऊन येत आहोत.

या माध्यमातून महाराष्ट्रातील शहर तसेच सर्व जिल्हे, तालुका व गावातील माळी समाजातील सदस्यांना एकत्र आणून माळी समाजाचा सर्वांगीण विकास साधता येईल.

आम्हाला विश्वास आहे की, या माध्यमातून आम्ही माळी समाजाच्या सामाजिक, शैक्षणिक, व्यावसायिक, औद्योगिक अशा सर्व क्षेत्रांत प्रगतीसाठी हातभार लावू.

लवकरच येत आहोत... आपल्या सर्वांचे हक्काचे डिजिटल व्यासपीठ..!

आपले नम्र

गौरव महादेव माने
(चेअरमन व व्यवस्थापकीय संचालक)
संपर्क: +९१ ९३७३७०५०९०